Играчите се откажале од милионските бонуси – Реал заштеди 25.000.000 евра
- Детали
- Категорија: Спорт
- Создадено: 22 Септември 2020
Фудбалерите на Реал Мадрид кои минатата сезона го освоија Суперкупот на Шпанија и титулата во Ла Лига му заштедија на клубот 25.000.000 евра. Капитенот Серхио Рамос предложил, а тие се согласиле да се откажат од премиите то требало да ги добијат за освојувањето на овие трофеи.
Радиото „Кадена Копе“ објави дека гарантираните премии за титулата во Ла Лига биле 700.000 евра за секој фудбалер, односно 300.000 евра за трофејот во Суперкупот.
Прв од премиите се откажал Рамос, а неговиот пример го следеле и останатите играчи. Реал на овој начин заштеди 25.000.000 евра што ќе му помогнат полесно да ја преброди финансиската криза што ја предизвика коронавирусот.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
