Мистериозен вирус уби тројца луѓе во Бурунди, симптомите се слични на еболата

Десетици луѓе се ставени во карантин додека властите во африканската држава Бурунди се обидуваат да го идентификуваат вирусот што уби три лица во рок од 24 часа откако се разболеле.

Здравствените власти ги повикуваат жителите на малата источноафриканска земја често да ги мијат рацете и да избегнуваат да јадат диви животни во обид да спречат ширење на смртоносна мистериозна болест.

Три лица во земјата ги загубија животите за три дена од болест која се’ уште не е формално идентификувана, а поради која десетици луѓе се принудени на строг карантин.

Симптомите на болеста се слични на оние на многу опасните вируси ебола и марбург, меѓутоа, Министерството за здравство на Бурунди ги отфрли двете болести.

Според очевидци, знаците на болеста се абдоминална болка, крвавење од носот кое се зголемува по смртта, акутни главоболки, висока температура, повраќање и вртоглавица, пренесува информативниот сајт „СОС медиа Бурунди“.

Тројцата пациенти наводно починале во рок од 24 часа од почетокот на симптомите и сите живееле во иста близина.

„Тоа е болест која брзо убива“, вели медицинска сестра од здравствениот центар Мигва, додавајќи: „Тоа е страшно, сите чекаме да умреме“.

Во меѓувреме, 18-годишен студент од друга заедница во Бурунди исто така бил примен во друга болница со слични симптоми, вклучително и повраќање со траги од крв, дијареа и крвавење од носот.

Истиот ден почина и му беше резервиран достоинствен и безбеден погреб“, се вели во соопштението на Министерството за здравство.

Здравствените експерти се сомневаат дека студентот починал откако се заразил со вирусот марбург, поради тековната епидемија во соседна Танзанија.





Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk



Можеби ќе ве интересира:

Сите статии објавени на МТМ.мк се во согласност со ИАБ етичкиот кодекс


© MTM ТВ Дооел - Скопје. Сите права се заштитени.