1-ва Скопска - МТМ Телевизија

Израелската армија доцна вчера вечер соопшти дека шест израелски заложници се ослободени во Појасот Газа.

„Седмата група сега е целосно ослободена, откако претходно беа ослободени две заложнички“, соопштија тие.

Сестрата и братот Ајша Зијадне (17) и Билал Зијадне (18) се меѓу израелските заложници кои вчера беа ослободени. Тие беа киднапирани од кибуц Холит заедно со нивниот постар брат Хамза и таткото Јусеф.

Од денот на нападот, поширокото семејство на Зијадне постојано бдее пред домот на Јусеф, објави Тајмс оф Израел.

Заедно со нив беа ослободени Нили Маргалит (40), Шани Горен (29), Сапир Коен (29), Илана Грицевски (30).

Покрај нив, ослободени се и две деца, соопшти Катар. Меѓу шесте ослободени жени има и жени со мексиканско, руско и уругвајско државјанство.