1-ва Скопска - МТМ Телевизија

Израелската противвоздушна одбрана се мачеше да се спротивстави на масовниот напад на ирански беспилотни летала и ракети!

На едно од видеата наводно се гледа пресретнување на иранска балистичка ракета надвор од атмосферата на Земјата. Некои воени блогери наведуваат дека проектил на таа височина можел да го собори израелскиот систем „Стрела 3“ или брод на американската морнарица стациониран во близина на брегот на Израел користејќи антибалистички ракети СМ-3.

OSINTdefender on X: "Crazy Footage from tonight showing what appears to be an Exo-Atmospheric Interception, an Interception which occurs Outside the Earth’s Atmosphere, of an Iranian Ballistic Missile over Israel; the Intercept was likely conducted by the Israeli “Arrow 3” Hypersonic Surface-to-Air… https://t.co/yzjW7rtThK" / X (twitter.com)

– Луда снимка на која може да се види пресретнување на иранска балистичка ракета што се одвива надвор од атмосферата на Земјата – се вели во објава на социјалната мрежа X.

Charles Lister on X: "Extraordinary video, showing an #Israel Arrow air defense interceptor neutralizing an #Iran ballistic missile tonight in space, beyond the earth’s atmosphere. https://t.co/ej5N7YwXd8" / X (twitter.com)

Израелските власти велат дека се соборени речиси сите ирански беспилотни летала и балистички ракети, додека Иран тврди дека истрелал седум ракети „Кајбар-4“ и дека секој од нив ја погодил целта.

Системот „Стрела“ е дизајниран и распореден пред околу 25 години.

Заедничкиот американско-израелски проект произлезе од потребата да му се даде на Израел начин да се брани откако израелските градови беа погодени од ирачки ракети Скад за време на Првата Заливска војна.

Другите системи за противракетна одбрана првично беа дизајнирани да соборуваат авиони и мораа да се приспособат за соборување балистички ракети со поголем дострел на многу поголеми височини и брзини, а Стрела беше првиот што беше дизајниран специјално за таа задача.

Системот претходно беше користен во 2017 година за соборување на сириската ракета земја-воздух С-200 која промаши израелски воен авион и беше упатена кон израелски град.

„Стрела“ пресретна балистичка ракета истрелана од Хутите кон Израел на почетокот на ноември минатата година и официјално беше првпат да се користи за првобитната намена.