Фон дер Лајен: Европската Унија мора да ги зголеми капацитетите за производство на оружје
- Детали
- Категорија: Свет
- Создадено: 31 Август 2024
Европската унија сè уште не направила доволно за да го зголеми капацитетот за производство на оружје во услови на глобални закани, вклучително и руско-украинската војна, изјави претседателката на Европската комисија Урсула фон дер Лајен.
„Заштитата на Европа, пред сè, е обврска на Европа. И додека НАТО мора да остане центар на нашата колективна одбрана, ни треба многу посилен европски столб“, рече Урсула фон дер Лајен на безбедносната конференција ГЛОБЕСЕК во Прага.
Таа предупреди дека идејата дека Европа направила доволно за безбедноста на почетокот на оваа деценија е „илузија“, додавајќи дека втората половина од деценијата ќе биде со висок ризик, пренесува Ројтерс.
„Ако сакаме вистински мир, мораме од темел да ги преиспитаме основите на европската безбедносна архитектура. Руската инвазија ѝ го отвори очите на Европа“, оцени таа.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
