Во рускиот напад врз Лавов убиени мајка и три ќерки
- Детали
- Категорија: Свет
- Создадено: 04 Септември 2024
Русија изврши ракетен напад врз главниот град Киев и напад со беспилотно летало врз западниот град Лавов, недалеку од границата со членката на НАТО, Полска, соопштија украинските воени претставници, а единиците за противвоздушна одбрана се обидуваат да ги одбијат нападите.
Во Лавов, изјави украинскиот парламентарец Олексиј Гончаренко, речиси цело семејство е убиено.
„Русија денеска во Лавов уби речиси цело семејство. Жив е само човекот на оваа фотографија. Неговата сопруга и трите ќерки загинаа во својот дом“, напиша тој.
Градоначалникот на Лавов објави дека во рускиот напад загинале мајката Јевхенија и нејзините три ќерки Јарина, Дарина и Емилија.
Најстарата Емилија имала само 21 година и работела во кабинетот на градоначалникот на проектот „Лавов – престолнина на младите“ во 2025 година.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс