(Видео) Масакр во близина на Сиетл, петмина мртви, меѓу нив три деца, фатен убиецот
- Детали
- Категорија: Свет
- Создадено: 22 Октомври 2024
Пет лица се убиени во масакр во куќа во близина на Сиетл, а за убиствата е осомничено 15-годишно момче, соопштија денеска властите на државата Вашингтон.
Во пукањето животот го загубија двајца возрасни и три деца, а едно девојче е рането, соопшти полицијата.
Портпаролот на Одделот на шерифот, Мајк Мелис, на новинарите на местото на настанот им кажа дека осомничениот е приведен без инциденти. Засега не е познат мотивот на злосторството, ниту дали сите инволвирани во овој трагичен настан се поврзани со семејството.
Замениците на Шерифот добиле повеќе повици за пукање во дом во Фол Сити, околу 16 километри источно од Сиетл. Пред да пристигнат лекарите на местото на злосторството, на жртвите им била укажана прва помош од соседот.
Осомничениот 15-годишник е однесен во малолетничкиот центар и во вторник или среда треба да се појави на суд.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс