Ал Судани: Убиен командант на ИСИС за Ирак
- Детали
- Категорија: Свет
- Создадено: 22 Октомври 2024
Ирачкиот премиер Мохамад Шија ал-Судани денеска соопшти дека командантот на Исламската држава (ИСИС) за Ирак е убиен во операција во планините Хамрин во североисточен Ирак.
Не беа објавени дополнителни информации во врска со ова, објави иранската новинска агенција Мехр.
ИСИС, која го нападна Ирак на 7 јуни 2014 година и за кратко време успеа да заземе околу 45 отсто од територијата на земјата, беше поразена во ноември 2017 година.
Сепак, оттогаш преостанатите членови на оваа група се присутни и активни во Ирак и Сирија и одвреме-навреме извршуваат терористички напади, наведува иранската агенција.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс