1-ва Скопска - МТМ Телевизија

Очевидци на нападот во Њу Орлеанс, кога маж со своето возило влетал во толпа луѓе, убивајќи најмалку 10 и повредувајќи најмалку 30 лица, за Си-Ен-Ен ја опишале паниката и ужасот што се појавиле на улиците на историскиот град во Луизијана.

Видеото можете да го погледнете на следниов линк: https://x.com/Seno_Vibes/status/1874418678894301407?ref_src=twsrc%5Etfw%7Ctwcamp%5Etweetembed%7Ctwterm%5E1874418678894301407%7Ctwgr%5Eb3cd10c9264c9696133f861c0c5212a1e8e4c76e%7Ctwcon%5Es1_&ref_url=https%3A%2F%2Fmakfax.com.mk%2Fsvet%2Fd0b2d0b8d0b4d0b5d0be-d181d0b2d0b5d0b4d0bed188d182d0b2d0b0-d0bed0b4-d0bdd0b0d0bfd0b0d0b4d0bed182-d0b2d0be-d19ad183-d0bed180d0bbd0b5%2F

– Видов пикап како удира во сите на тротоарот на улицата Бурбон. Тело долета до мене – рекол 22-годишниот Кевин Гарсија, додавајќи дека слушнал истрели.

Друг сведок, 22-годишната Вајт Дејвис, изјави за Си-Ен-Ен дека во моментот на инцидентот била во ноќен клуб на таа улица.

-Сите почнаа да викаат и да трчаат, потоа бевме затворени на кратко, потоа ситуацијата се смири, но не не пуштија да си заминеме. Кога конечно не пуштија од клубот, полицијата не упати каде да одиме и ни рекоа брзо да го напуштиме просторот. Видов неколку тела кои не успеаја да ги покријат и многу на кои им беше укажана прва помош – рече таа.

Според досегашните информации, во нападот загинале најмалку десет лица, а 30 се повредени.

Градоначалничката на Њу Орлеанс рече дека го смета ова за терористички напад.

– Знаеме дека градот Њу Орлеанс е погоден од терористички напад – рече таа, истакнувајќи дека инцидентот се уште е под истрага.

Очевидци изјавија за CBS дека возилото со голема брзина влетало во толпата, а потоа возачот почнал да пука, по што полицијата возвратила. Полицијата не ги потврди овие наводи.

Видеата кои кружат на социјалните мрежи покажуваат многу жртви на теренот, а во позадина се слушаат истрели.