1-ва Скопска - МТМ Телевизија

Илјадници католици присуствуваа на молитвата за папата Франциско на плоштадот Свети Петар во Ватикан во знак на почит на поглаварот на Римокатоличката црква кој почина во понеделникот.

Голем број новинари се собраа во близина на плоштадот, кампуваа да ги следат случувањата околу погребот на папата.

https://x.com/CatholicArena/status/1914403980987290084?ref_src=twsrc%5Etfw%7Ctwcamp%5Etweetembed%7Ctwterm%5E1914403980987290084%7Ctwgr

Папата Франциско (88) почина во понеделникот рано наутро од последици на мозочен удар и срцева слабост.

Последното збогување ќе се одржи во сабота на 26 април, по миса што ќе започне во 10 часот по локално време. Ковчегот ќе биде пренесен во базиликата Света Марија Велика во Рим каде ќе биде погребан папата.

Папата е роден во Буенос Аирес на 17 декември 1936 година од родители италијански имигранти. Студирал во Аргентина, а подоцна и во Германија.

Во текот на повеќе од една деценија од неговото папство, папата Франциско се обиде да ја реформира бирократијата на Ватикан, да се справи со корупцијата и да одговори на некои од најитните предизвици на Црквата.

Иако беше пофален за неговата понизност и посветеност на социјалната правда, неговото раководство, исто така, наиде на жестоко противење од конзервативците во и надвор од Црквата.