(Видео) Стивен Сигал снимен на воената парада во Москва
- Детали
- Категорија: Свет
- Создадено: 09 Мај 2025
Актерот Стивен Сигал присуствуваше на денешната воена парада во Москва по повод Денот на победата, со кој се одбележува 80-годишнината од победата над нацистичка Германија во Втората светска војна.
Во еден момен, камерите го покажаа Сигал како седи во публиката.
73-годишниот Сигал, експерт за аикидо, беше ѕвезда во американските акциони филмови во 80-тите и 90-тите. Додека неговата кариера беше во опаѓање, Сегал, роден во Лансинг, Мичиген, полека се зближуваше со авторитарни лидери, вклучувајќи го и Кремљ.
Во 2016 година тој доби руско државјанство, а потоа во 2018 година руското Министерство за надворешни работи го назначи за специјален претставник за руско-американски културни врски и културно-историско наследство. Актерот постојано ја фали Русија од почетокот на целосната инвазија на Украина.
Во 2021 година тој ѝ се приклучи на националистичка партија, а во август 2022 година ја посети источна Украина, каде што се сретна и го поддржа лидерот на проруските сепаратисти во Донецк, Денис Пушилин. Тој присуствуваше на инаугурацијата на Путин на неговиот петти мандат во мај 2024 година.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
