Русите тврдат дека Украинците го нападнале Белгород со дронови еден ден пред најавените преговори
- Детали
- Категорија: Свет
- Создадено: 14 Мај 2025
Во серија украински напади со беспилотни летала врз регионот Белгород повредени се најмалку 16 лица, изјави денес гувернерот на регионот во југозападна Русија што граничи со Украина.
Меѓу повредените има лекар и болничар, изјави гувернерот на Белгород, Вјачеслав Гладков, во апликацијата за пораки Телеграм. Осум лица се хоспитализирани, додаде тој.
Руското Министерство за одбрана објави дека неговите единици уништиле 12 беспилотни летала лансирани од Украина преку ноќ, од кои три над Белгородската област. Министерството известува само за бројот на уништени дронови, а не колку биле лансирани од Украина.
Ројтерс не можеше независно да ги потврди руските извештаи. Засега нема коментари од Украина. Двете страни негираат дека таргетирале цивили во војната што Русија ја започна со инвазијата на Украина во 2022 година.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
