Најмалку 8 загинати во снежна бура во источниот дел на САД
- Детали
- Категорија: Свет
- Создадено: 16 Ноември 2018
Огромна зимска бура го погоди источниот дел на САД, при што загинаа најмалку осум лица.
Мешавина на дожд, снег и мраз вчера остави пустош од југот до до североисточниот дел на САД, а десетици илјади домови останаа без електрична енергија.
Поради бурата затворени се училиштата, градскиот превоз доцни, а се откажуваат и летови.
– Во одредени делови на Пенсилванија и Нова Англија снежната покривка изнесува од 15 до 30 сантиметри, соопшти Амерканската метеоролошка служба.
Во Индијана, Кентаки, Охајо, Западна Вирџинија, Вирџинија, Пенсилванија и Њу Џерси околу 389.000 корисници останаа без електрична енергија.
Според метеоролозите, снег и смрзнат дожд се очекува во централниот дел на Апалчките Планини кон североисток. А, исто така, снег ќе паѓа и во северниот дел на Среден Атлантик и во државите во североисточниот дел на САД.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
