1-ва Скопска - МТМ Телевизија

Сопственичката на интернет-мрежата за размена на стоки Вајлдберис, Татјана Бакалчук стана втората жена-милијардерка во Русија, јави „Форбс“.

Таа е инаку наставничка по англиски јазик, а компанијата ја основала во 2004 година, заедно со сопругот.  Нивните услуги се достапни во Русија, во Белорусија, во Казахстан, во Киргистан и во Ерменија.

Годинава, со својата вредност од 1,2 милијарди долари, мрежата го зазеде четвртото место на листата најскапи фирми во Русија, по „Јандекс“, „Mејл.ру груп“ и „Авито“.

Минатата година прометот на компанијата порасна за 72 отсто и достигна 118,7 милијарди рубљи (еден долар = 65,5 рубљи).

Првата милијардерка во оваа земја е претседателката на компанијата „Интеко менаџмент“, Елена Батурина.