Малстром: ЕУ подготвена да возврати ако САД воведат царини за европските возила
- Детали
- Категорија: Свет
- Создадено: 23 Февруари 2019
Европската комесарка за трговија Сесилија Малмстром изјави дека има „целосна поддршка" од земјите членки на ЕУ, Унијата да возврати доколку американскиот претседател Доналд Трамп воведе царини за увоз на автомобили и автомобилски делови од Европа.
Малмстром информира дека европските министри за трговија разговарале за трговските односи на Унијата со Вашингтон за време на денешниот неформален состанок во Букурешт.
– Имаме целосна поддршка да се направи тоа, рече Малмстром.
Според неа, постои загриженост околу „одредени аспекти на економската политика што ја спроведува актуелната американска Администрација".
Трамп најави дека САД размислуваат за воведување царини за увоз на возила од Европа, сугерирајќи дека конечната одлука зависи од тоа дали двете страни ќе постигнат трговски договор во наредните месеци.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
