Помпео во посета на Либан
- Детали
- Категорија: Свет
- Создадено: 22 Март 2019
Американскиот државен секретар Мајк Помпео денеска пристигна во Либан, во момент кога регионот остро ја критикува изјавата на претседателот Доналд Трамп дека е време САД да го признаат израелскиот суверенитет над окупираните територии на Голанска Висорамнина.
Со оглед на тоа дека Либан технички е во војна со Израел и таа земја забранува директни летови од Тел Авив, Помпео пристигна во Бејрут преку кипарскиот воздушен простор.
Помпео, за време на дводневната посета, ќе се состане со либански функционери, вклучувајќи ги и сојузниците на милитантната група Хезболах, која ја поддржува Иран.
Посетата е последниот дел од турнејата на Блискиот Исток, во текот на која ги посети Кувајт и Израел.
За време на посетата на Тел Авив, Помпео ја пофали соработката со Израел, а се сретна со израелскиот премиер Бенјамин Нетанјаху во најмалку три одделни прилики и вети дека ќе го зголеми притисокот врз Иран.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс