Во експлозија во резиденцијалниот дел на Кабул 12 загинати, 42 повредени
- Детали
- Категорија: Свет
- Создадено: 05 Септември 2019
Американски и романски војник и најмалку десет авганистански цивили загинаа во експлозија на автомобил-бомба во Кабул, во близина на областа каде што се сместени странски амбасади и владини згради.
Одговорноста за нападот ја презедоа талибанците.
Портпаролот на Министерството за внатрешни работи Насрат Рахими рече дека има и 42 повредени и 12 уништени возила.
Претседателот на Авганистан Ашраф Гани во соопштение наведе дека постигнувањето мир со група која се уште убива невини луѓе е бесмислено.
Портпаролот на талибанците Забихул Муџахид претходно рече дека мета на нападот бил конвој на странски сили во центарот на Кабул, тврдејќи дека биле уништени три возила и дека се убиени 12 странски и осум припадници на авганистанските безбедносни сили.
Во соопштение на мисијата на НАТО се наведува дека двајца нивни припадници се „убиени во акцијата“, без да се дадат дополнителни детали.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
