Меркел – Брнабиќ: Србија и Германија има само една точка на недоразбирање, а тоа е Косово
- Детали
- Категорија: Свет
- Создадено: 18 Септември 2019
Српската премиерка Ана Брнабиќ денеска во Берлин разговараше со германската канцеларка Ангела Меркел за унапредување на политичките и економските односи меѓу двете земји.
По средбата, на прес-конференцијата Меркел изјави дека разговарала со српската премиерка за Берлинскиот процес, успешната економска соработка и за потребата на реформи во правосудството.
– Почувствував волја и подготвеност работите да се подобрат, што е тесно поврзано со напредокот во процесот на пристапување во ЕУ, изјави Ангела Меркел, додавајќи дека доста тоа е направено.
На средбата се разговарало и за регионот, за што германската канцеларка наведе дека Берлинскиот процес се покажал како користен и довел до разни можности за соработка.
Меркел посочи и дека треба да се продолжи со работата за приближување кон решението за Косово и дека Германија ќе продолжи да го поддржува развојот на Србија.
Српската премиерка истакна дека Косово е единствената точка на недоразбирање меѓу Белград и Берлин, но и дека Германија е еден од најважните партнери.
– Колку и да понекогаш не се согласуваме, најважно е да разговараме, да ги слушнеме мислењата и советите и да видиме дали можеме заедно да ги приближиме ставовите и да дојдеме до долгорочно и одржливо решение. Без историското помирување на Србите и Албанците, нема да има иднина за Балканот, посочи Брнабиќ.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
