Лабуристите бараат од Џонсон да одбие брегзит без договор

Британскиот премиер Борис Џонсон треба јасно да се обврзе пред парламентот дека Велика Британија нема да излезе во ЕУ без договор, доколку ја сака поддршката за одржување на предвремени избори, изјави портпаролката на опозициските лабуристи, Дајан Абот.

 

Таа го повтори ставот на лабуристите дека опозициската партија не може да го поддржи одржувањето на предвремени избори се додека не биде сигурна дека брегзит без договор повеќе не е опзција.

        

„Еден начин е Џонсон да дојде во парламентот и да се обврзе пред Долниот дом дека без оглед на тоа што ќе се случи, тој нема да ја изнесе Велика Британија од ЕУ без постигнат договор“, рече Абот.„Исто така, многу конзервативни членови на парламентот ќе бидат задоволни ... Да почекаме и да видиме дали ќе го направи тоа“, рече Дајан Абот.





Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk



Можеби ќе ве интересира:

Сите статии објавени на МТМ.мк се во согласност со ИАБ етичкиот кодекс


© MTM ТВ Дооел - Скопје. Сите права се заштитени.