Пензионер 24.000 пати се јавил во служба за корисници, полицијата го уапсила
- Детали
- Категорија: Свет
- Создадено: 03 Декември 2019
Јапонската полиција уапсила пензионер во Токио откако се јавил 24.000 пати во службата за поддршка на корисници на најголемиот јапонски телефонски оператор, жалејќи се дека компанијата не го почитува склучениот договор.
Полицијата навела дека минатата недела го привеле 71-годишниот Акитоши Окамото, затоа што за осум дена направил стотина бесплатни повици до службата за корисници на операторот КДДИ.
Медиумите пренесуваат дека Акитоши направил не стотина туку илјадници повици од јавни говорници и изразувал незадоволство од работата на компанијата и притоа ги навредувал вработените.
„Барал од вработените да му се извинат затоа што компанијата не го почитувала договорот. Исто така, често пати веднаш ги прекинувал повиците откако ќе се јавел оператор“, рекол портпаролот на полицијата.
Тој е уапсен под сомнение дека со лажни изјави ја попречувал работата на компанијата.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
