1-ва Скопска - МТМ Телевизија

Отстранувањето на Доналд Трамп од функцијата би било мешање на претстојните избори и би претставувало „многу опасен преседан“. Тоа го кажаа адвокатите на американскиот претседател во процесот на импичмент во Сенатот, јавија агенциите.

„И покрај зборувањата за изборно мешање, тие се тука за да извршат најсериозно изборно мешање во американската историја и ние не можеме да го дозволиме тоа“, предупреди Пат Сиполини, кој ја предводи одбраната на шефот на државата. Тој додаде дека ако сенаторите се изјаснат за виновен и го отстранат од функцијата, тие ќе им го одземат на гласачите правото да го искажат своето мислење за Трамп на претседателските избори на 3 ноември.

Истрагата за контактите на Трамп со Украина не беше наменета за разјаснување на вистината, туку беше политички мотивиран обид да се отстрани претседателот од својата функција, според одбраната на Трамп. Иако претседателот е обвинет во судењето, неговите адвокати јасно ставија до знаење дека тие имаат намера да ја претстават постапката за импичмент како продолжение на истрагите што се одвиваат од моментот кога тој стапи на должноста, вклучително и на можните врски меѓу неговиот изборен штаб и Русија.

Рочиштето во Сенатот траеше само два часа, далеку од говорот на обвинетите. Одбраната ги задржува своите главни аргументи за утрешната седница.

Сенатот е под републиканска контрола, која има 53 од 100 места, а за отстранување на претседателот е потребно двотретинско мнозинство сенатори. Републиканците меѓу нив рекоа дека одбраната веќе ги уништи аргументите на демократите.

Сепак, остануваат помалку од 300 дена пред претседателските избори, така што дебатата е исто така битка за да се добие јавното мислење, забележува Франс Прес.