Португалија прогласи вонредна состојба
- Детали
- Категорија: Свет
- Создадено: 19 Март 2020
Португалскиот претседател Марсело Ребело де Соса прогласи вонредна состојба, за првпат од 1974 година, а мерките против епидемијата на коронавирус стапија на сила на полноќ.
Двонеделната вонредна состојба, која е одобрена од парламентот, е одговор на „невидениот предизвик“ за португалското општество, здравството и економијата, рече Де Соса.
Тој ја нарече борбата против пандемијата како „Херкуловска задача“ и „вистинска војна“ што ќе биде „долга, тешка и неблагодарна“.
Предлог-законот усвоен едногласно преку видео-конференција ги ограничува правата на граѓаните, медиумите, деловниот сектор и организациите.
Во Португалија има потврди 642 заразени и двајца починати, според Светската здравствена организација (СЗО).
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс