Луѓето во Индија ги прскаат со белило заради дезинфекција од коронавирусот
- Детали
- Категорија: Свет
- Создадено: 31 Март 2020
Индиската држава Утар Прадеш предизвика негодување во светот откако се појавија снимки на кои работниците бегалци, кои се враќаат во родните места поради затворањето на градовите, ги потопуваат во белило што се користи за чистење на автобуси.
Оваа акција, наводно, имала за цел дезинфекција од коронавирусот.
Видеото, гледано 400.000 пати откако беше објавено од новинарот на „Тајмс оф Индија“, прикажува група луѓе кои седат на земја во градот Барели, а службениците на пожарникарската и медицинската служба во заштитни костими ги прскаат со хемиски раствор.
https://twitter.com/AJEnglish/status/1244885892126232577
Во исто време, преку мегафон, надлежните ги предупредуваат работниците да ги затворат очите и устата. Окружниот судија на градот Барели рече дека снимките се испитуваат.
Милиони луѓе се вратиле во своите родни места во Индија по вонредната состојба и ставањето во карантин на цели градови во таа земја. Полицискиот час се зема многу сериозно, па полицијата дури тепа луѓе доколку се најдат на улица во тоа време.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс