СЗО: Рекорден пораст на заразени со вирусот - за еден ден 230 илјади нови случаи
- Детали
- Категорија: Свет
- Создадено: 13 Јули 2020
Светската здравствена организација (СЗО) објави уште едно рекордно зголемување на бројот на потврдени случаи на коронавирус за 24 часа, бидејќи повеќе од 230.000 биле регистрирани ширум светот во саботата.
СЗО објави дека САД повторно се на врвот на списокот на земји со повеќе од 66.000 случаи регистрирани за еден ден.Трендот на потврдени случаи на Ковид-19 продолжува да расте. Во петокот, во текот на 24-часовниот период беа потврдени 228.000 нови случаи на инфекција со коронавирус ширум светот.
Досега се пријавени повеќе од 12,5 милиони потврдени случаи ширум светот, додека повеќе од 561.000 луѓе починале. СЗО прогласи глобална пандемија на 11 март поради ширењето на коронавирусот.Заедно со Европа, СЗО ги прогласи САД, а потоа и Јужна Америка за епицентар на пандемијата на коронавирус, која за прв пат се појави на крајот на минатата година во кинескиот град Вухан.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
