1-ва Скопска - МТМ Телевизија

Германските здравствени власти открија ново жариште на коронавирус во дистриктот Гепинген, северно од Штутгарт. Станува збор за матуранти кои, како што јавуваат германските медиуми, се заразиле додека биле на одмор во Хрватска.

Германскиот портал Т-онлајн.де пренесува дека коронавирусот е потврден кај десет матуранти по враќањето од Хрватска. Тие биле на островот Паг, а патувањето им било организирано од туристичка организација специјализирана за патувања за забава.

Порталот пишува дека матурантите почувствувале симптоми по враќањето дома. На одмор биле 15 лица, а 50 нивни контакти се во изолација.

Шефот на заводот за јавно здравје на дистриктот Гепинген, Хајнц Пехлер, рекол дека коронавирусот се почесто сè детектира кај лица кои се враќаат од Балканот.

„Овој случај јасно го покажува ризикот од патување и организирање забави во ек на пандемија и тоа како вирусот може брзо да се прошири во една група“, рекол Велт.

Министерката за туризам и спорт на Хрватска, Николина Брњац, кусо изјави дека нема докази дека матурантите се заразиле во Хрватска.