Тихановскаја: Подготвени сме да му дадеме безбедносни гаранции на Лукашенко

Поранешната белоруска претседателска кандидатка Светлана Тихановскаја вели дека опозицијата е подготвена да му обезбеди безбедносни гаранции на претседателот Александар Лукашенко.

Таа наведува дека опозицијата ќе го стори тоа доколку Лукашенко мирно се повлече од власта.

На новинарско прашање дали ќе му се дадат безбедносни гаранции на Лукашенко доколку тој мирно поднесе оставка, Тихановскаја рече дека тоа е нешто за што може да се разговара.

„Се разбира, ако се одвива мирно, постои таква можност, дури можам да кажам и убедување. „Лично, морам да зборувам во име на сите луѓе, и мислењето на сите луѓе ќе се земе предвид во овој случај“, рече Тихановскаја, а пренесе ТАС.

Таа додаде дека претседателот на Белорусија би можел да добие и повеќе.

Масовните протести на опозицијата започнаа во Белорусија на 9 август, по претседателските избори, на кои Александар Лукашенко прогласи победа со 80,1 процент од гласовите.

Опозицијата не ги призна резултатите од изборите и смета дека победи Светлана Тихановскаја, која официјално освои 10,12 проценти од гласовите.





Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk



Можеби ќе ве интересира:

Сите статии објавени на МТМ.мк се во согласност со ИАБ етичкиот кодекс


© MTM ТВ Дооел - Скопје. Сите права се заштитени.