Во Брисел продолжен полицискиот час, маските ќе бидат задолжителни насекаде
- Детали
- Категорија: Свет
- Создадено: 24 Октомври 2020
Во Брисел, од понеделник, 26 октомври, маските повторно ќе бидат задолжителни насекаде и во секое време, а полицискиот час ќе биде продолжен и на граѓаните ќе им биде забрането да ги напуштаат своите домови од 22 до 6 часот наутро.
Работата од дома е задолжителна - каде што тоа е изводливо, а сите културни и спортски објекти се затворени, одлучија градоначалниците на 19 градски општини, зајакнувајќи ги мерките за заштита од ширење на Ковид-19.
Продавниците мора да бидат затворени во 20 часот, а луѓето мора да одат во продавница сами, освен ако не се придружени од деца под 12 години и лице на кое им е потребна помош.
Сите училишни екскурзии се откажани, а властите ги повикаа родителите да не организираат традиционално собирање на слатки од врата до врата за Ноќта на вештерките.
Белгија е на „црниот врв“ на ЕУ кога станува збор за епидемиолошката состојба со 10.198 заразени на 100.000 жители, додека во Брисел, секој четврти тестиран граѓанин е позитивен на Ковид-19.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс