„Касперски“: Вакцините против ковид се продаваат на црниот пазар по ценa од 250 до 1.200 долари
- Детали
- Категорија: Свет
- Создадено: 05 Март 2021
Вакцините против Ковид-19 се продаваат на црниот пазар по ценa од 250 до 1.200 долари, соопшти компанијата „Касперски“, која дошла до ова сознание со испитување на пазарот на „Даркнет“, каде што пронашла реклами за продажба на вакцини.
Според глобалната компанија за сајбер безбедност, рекламите биле за главните вакцини против ковид, „Фајзер/ Бионтек“, „Астра зенека“ и „Модерна“, а имало и продавачи кои рекламирале неверификувани вакцини.
Исто така, се наведува дека повеќето продавачи на вакцини се наоѓаат во Франција, Германија, Велика Британија и САД и дека повеќето од нив имаат извршено меѓу 100 и 500 трансакции.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
