Прогласена вонредна состојба во три грчки региони поради неодамнешните земјотреси
- Детали
- Категорија: Свет
- Создадено: 05 Март 2021
Вонредна состојба е прогласена во три грчки региони, во централниот дел на Грција пренесуваат, грчките медиуми.
Регионите на Тирнавос, Потамија и Фаркадона, поради неодамнешните земјотреси, се под вонредната состојба која, според тамошните агенции, ќе биде во сила шест месеци од денот на настанувањето на земјотресот, односно до 3 септември.
Вонредната состојба е воведена по наредба на заменик-министерот за цивилна заштита и управување со кризи Никос Хардалиас.
Грчките весници пренесуваат дека вонредната состојба ќе им овозможи на жителите и општинските власти да имаат право на човечка помош и финансирање за реконструкција на штета на стотици домови и компании, како и делови од мрежата за патишта и водоснабдување.
Пред два дена централниот дел на Грција беше погоден од два силни земјотреси со јачина од 6,3 и 5,9 степени.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс