Мистериозна смрт на швајцарска дипломатка, паднала од зграда во Иран
- Детали
- Категорија: Свет
- Создадено: 04 Мај 2021
Дипломатка од швајцарската амбасада во Техеран загина во вторникот откако паднала од висока зграда во која живеела на северот од градот, пренесоа иранските новински агенции.
Вработената во амбасадата имала 51 година, изјави портпарол на Службата за итни случаи, според полуофицијалната новинска агенција ИСНА.
Дипломатката која загина при пад од зграда во Иран беше прва секретарка на швајцарската амбасада, пренесува полуофицијалната новинска агенција Мехр.
Таа живеела на 18. кат во зградата, објави полуофицијалната новинска агенција ИЛНА, повикувајќи се на свој известувач.
Ниту еден извештај не содржи информации за околностите на нејзината смрт.
Швајцарија ги застапува дипломатските интереси на САД во Иран откако Вашингтон и Техеран ги прекинаа врските непосредно по Исламската револуција во 1979 година.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
