1-ва Скопска - МТМ Телевизија

На социјалните мрежи се појави најново видео - повторно судири меѓу Палестинците и израелската армија во близина на џамијата Ал Акса во Ерусалим.

Некои медиуми наведуваат и дека бил фрлен солзавец кон Палестинците.

И претходната, единаесетдневна размена на ракети, започна со судири пред таа џамија. Тоа резултираше со фрлање на над 4.000 ракети, од една на друга страна и големи загуби. Загинаа и многу цивили.

Според последните информации, во конфликтот се повредени 15 лица.

Сите напори да се стави крај на конфликтот вродија со плод дури 11-тиот ден, кога Израел се согласи на примирје, но со назнака дека сите нивни разговори со противничката страна се однесуваат на политичкото крило на Палестина - Фатах и ​​дека нема разговори со Хамас.

Прославата по прогласувањето на примирјето започна од двете страни на „жицата“, а Палестинците започнаа да се собираат во џамијата Ал Акса од раните утрински часови, поради што израелските безбедносни сили беа во готовност.