Петмина градежни работници загинаа при уривање на училишна зграда во Белгија
- Детали
- Категорија: Свет
- Создадено: 20 Јуни 2021
Најмалку пет лица загинаа а девет се повредени кога училишна зграда во белгискиот град Антверпен се сруши за време на градежни работи.
По уривањето на зградата, пожарникарите и полицијата излегоа на лице место со специјално обучени кучиња, кои трагаа по преживеаните и ги извлекоа од урнатините, пренесува АП.
Од деветте повредени, тројца се на интензивна нега, петмина се хоспитализирани, а едно лице по прегледот е пуштено дома, соопшти противпожарната единица.
Белгискиот крал Филип и премиерот на Белгија Александар де Крој беа на местото на несреќата.
Медиумите објавија дека меѓу градежните рабтници кои работеле на зградата, биле и странски државјани од Португалија, Романија и Украина.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс