СЗО: Опаѓа бројот на заразени со Ковид-19
- Детали
- Категорија: Свет
- Создадено: 22 Септември 2021
Бројот на заразени со Ковид-19 и смртни случаи од оваа болест во светот продолжи да опаѓа минатата недела, објави Светската здравствена организација.
Помеѓу 13 и 19 септември, имаше нешто повеќе од 3,6 милиони нови случаи на инфекција и нешто помалку од 60.000 смртни случаи.
„Ова го зголеми кумулативниот број потврдени случаи ширум светот на околу 228 милиони“, изјавија од СЗО.
Голем пад на бројот на случаи имаше во источниот Медитеран и во Југоисточна Азија.
Најмногу нови инфекции има во САД (1.107.644), Индија (211.242), Велика Британија (203.077) и Турција (183.962).
Бројот на смртни случаи во светот во споредба со претходната недела е помал за 7 проценти. Од почетокот на пандемијата, 4,6 милиони луѓе починаа од Ковид-19, соопшти СЗО.
Најголем број на нови смртни случаи има во САД (12.896), Русија (5.469), Бразил (3.727) и Мексико (3.689).
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
