Германија го надмина бројот на 100.000 смртни случаи од Ковид

Германија стана петтата земја во Европа која ја надмина бројката од 100.000 смртни случаи од Ковид-19 од почетокот на пандемијата, покажуваат официјалните податоци објавени денеска.

Германската агенција за контрола на болести објави дека евидентирала 351 смртен случај од коронавирусот во последните 24 часа, а вкупниот број е 100.119.

 

 

Во Европа, Германија е петта земја што ја надмина таа бројка, по Русија, Велика Британија, Италија и Франција.

Институтот Роберт Кох, федерална агенција која собира податоци од околу 400 регионални здравствени канцеларии, соопшти и дека Германија забележала рекорден број на новозаразени во последните 24 часа - 75.961 лица.

Од почетокот на пандемијата во таа земја се регистрирани вкупно 5,57 милиони случаи на заразени со коронавирус.

Поради скокот на бројот на заболени, новата германска коалиција која треба да формира влада вчера најави формирање на нова постојана експертска група која ќе ги советува официјалните лица како да се справат со пандемијата.

Болниците предупредуваат дека бесплатните кревети во одделенијата за интензивна нега исчезнуваат, а некои болници во јужниот и источниот дел на земјата почнаа да ги префрлаат пациентите во други региони.





Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk



Можеби ќе ве интересира:

Сите статии објавени на МТМ.мк се во согласност со ИАБ етичкиот кодекс


© MTM ТВ Дооел - Скопје. Сите права се заштитени.