Израел ја продолжи забраната за влез на туристи поради омикрон-сојот
- Детали
- Категорија: Свет
- Создадено: 10 Декември 2021
Израел денеска ја продолжи забраната за влез на туристи за уште 10 дена поради страв од ширење на новиот сој омикрон.
Тоа значи дека границите ќе бидат затворени за странски државјани до Божик, објавија доцна во четвртокот премиерот Нафтали Бенет и министерот за здравство, Ницан Хоровиц.
Покрај тоа, оние што се враќаат во Израел од која било земја, вклучително и вакцинирани Израелци, ќе треба да бидат ставени во карантин најмалку три дена по пристигнувањето.
Омикрон првпат беше откриен во Јужна Африка, а првите случаи во Израел беа потврдени кон крајот на ноември.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
