Бајден со порака до Путин: Русија ќе претрпи катастрофални последици ако ја нападне Украина
- Детали
- Категорија: Свет
- Создадено: 12 Декември 2021
Претседателот на Соединетите Американски Држави, Џо Бајден изјави дека му рекол на рускиот претседател Владимир Путин дека Русија ќе плати страшна цена доколку одлучи да ја нападне Украина.
Ова како што пишуваат американските медиуми, Бајден му го рекол на Путин на виртуелен состанок во вторникот, а слична порака по средбата испратиле и министрите за надворешни работи на Г7.
„Јасно му кажав на претседателот Путин дека ако оди во Украина, последиците за неговата економија ќе бидат погубни“, им рече Бајден на новинарите откако го коментираше смртоносното торнадо што опустоши неколку американски држави.
Исто така, Бајден им повторил на новинарите дека испраќањето американски војници во Украина не е опција што е на маса, иако САД и НАТО ќе мора да го зајакнат источното крило на НАТО.
Новиот шеф на германската дипломатија Аналена Баербок изјави дека Г7 се согласиле преговорите меѓу Киев и Москва да продолжат во т.н. Нормандиски формат со посредство на Германија и Франција, пренесуваат германските агенции.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
