Грција ги продолжи мерките за уште седум дена - двојни маски во продавница и во автобус
- Детали
- Категорија: Свет
- Создадено: 13 Јануари 2022
Грција ќе ги продолжи ограничувањата за коронавирусот за уште една недела за да помогне да се спречи ширењето на омикрон, кој стана доминантен во земјата.
Земјата воведе мерки против Ковид-19 минатиот месец во баровите, рестораните и во ноќните клубови за време на божикните празници, кои требаше да истечат на 17 јануари.
Грчките здравствени власти во соопштението соопштија дека ги продолжиле постојните мерки до 24 јануари и дека носењето двојни маски за лице ќе продолжи да биде задолжително во супермаркетите и јавниот превоз.
Во соопштението се наведува и дека високозаразниот сој омикрон стана доминантен во земјата по првиот регистриран случај на почетокот на декември.
Во изминатите 24 часа во Грција се регистрирани 32.694 инфекции на коронавирус и 80 починати.
Од почетокот на пандемијата во земјава се потврдени вкупно 1.568.215 новозаразени и 21.559 починати.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
