Полицијата распиша потерница по поранешниот претседател на Украина
- Детали
- Категорија: Свет
- Создадено: 17 Јануари 2022
Министерството за внатрешни работи на Украина распиша потерница по поранешниот претседател на Украина Петро Порошенко.
На веб-страницата на украинското Министерство за внатрешни работи се наведува дека Порошенко е „лице кое се крие од органите на прелиминарната истрага“.
Инаку, потерницата е распишана на иницијатива на Службата за безбедност на Републиката, додека судот издаде одобрение за негово апсење.
Поранешниот претседател е обвинет за испорака на јаглен во Донбас во текот на 2014-2015 година. Случајот е покренат според членовите од Кривичниот законик на Украина за финансирање тероризам, велепредавство и создавање на терористичка организација.
На Порошенко му се заканува затворска казна до 15 години со или без конфискација на имот.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс