1-ва Скопска - МТМ Телевизија

Театарот во Мариупол, кој се користеше како засолниште за голем број граѓани, денеска беше бомбардиран и тешко оштетен.

Градскиот совет на Мариупол објави фотографии на кои се гледа штетата. Тие изјавија дека таму се кријат околу 1.000 луѓе. Не е познат бројот на загинати и ранети.

- Уште едно ужасно воено злосторство во Мариупол. Масовен руски напад на Драмскиот театар, каде што се сокриле стотици невини цивили. Објектот сега е целосно уништен. Русите не можеа да знаат дека ова е цивилно засолниште. Зачувај го Мариупол! Стоп за руските воени злосторници – напиша на Твитер министерот за надворешни работи на Украина Димитро Кулеба.

https://twitter.com/DmytroKuleba/status/1504141027879313412?ref_src=twsrc%5Etfw%7Ctwcamp%5Etweetembed%7Ctwterm%5E1504141027879313412%7Ctwgr%5E%7Ctwcon%5Es1_c10&ref_url=https%3A%2F%2Fpublish.twitter.com%2F%3Fquery%3Dhttps3A2F2Ftwitter.com2FDmytroKuleba2Fstatus2F1504141027879313412widget%3DTweet

Бомбардирањето беше проследено со оган. Според градскиот совет, бомбата била фрлена од авионот. Уништена е на влезот во прифатилиштето, како и централниот дел на театарот.

- Невозможно е да се најдат зборови кои би можеле да го опишат степенот на суровост и цинизам со кој руските окупатори го уништуваат цивилното население на украинскиот град покрај морето. Жените, децата и постарите се во „окото на непријателот“. Тоа се комплетни невооружени мирољубиви луѓе. Никогаш нема да заборавиме и простиме – наведуваат од Советот.

Петро Андриушченко, советник на градоначалникот на Мариупол, рече дека засолништето на театарот е „најголемото засолниште по број и големина во центарот на градот“.

- Според прелиминарните податоци, таму се криеле повеќе од 1.000 луѓе. Не е познат бројот на загинати и повредени. Мала е можноста да се стигне до таму за да се демонтираат урнатините поради постојаното гранатирање и бомбардирање на градот - рече тој.