1-ва Скопска - МТМ Телевизија

НАСА внимателно набљудува огромен астероид кој се доближува кон Земјата, пишува Њујорк пост.

Американската вселенска агенција очекува астероидот 388945 да помине веднаш до нашата планета на 15 мај (утре).

Се проценува дека големата вселенска карпа е широка нешто помалку од 500 метри. Доколку астероид со оваа големина удри во Земјата, би предизвикал сериозна штета.

Сепак, нема причина за паника бидејќи астероидот 388945 (2008 TZ3) би требало да лета на оддалеченост од околу 5,6 милиони километри од Земјата.

Ова може да изгледа доста далеку, но со оглед на вкупната големина на универзумот, воопшто не е толку голема оддалеченост. Ова е и причината зошто НАСА го опиша овој настан како „блиска средба“.

Кога астероид со таа големина се приближува до Земјата на помалку од 7,4 милиони километри, претпазливите вселенски агенции го сметаат за „потенцијално опасен“. Астероид кој ќе помине блиску до Земјата одговара на тој опис.

Ќе лета по Земјата со брзина од повеќе од 28.000 км/ч.

НАСА вели дека астероидот треба да помине покрај Земјата околу 10:18 часот по средноевропско време, пренесуваат медиумите.