Турција предлага евакуација на ранетите борци во Азовстал: Нашиот брод е подготвен да тргне по нив
- Детали
- Категорија: Свет
- Создадено: 14 Мај 2022
Турција предложи евакуација на ранетите борци скриени во фабриката за челик Азовстал во јужниот украински град Мариупол, изјави денеска портпаролот на турскиот претседател Реџеп Таип Ердоган, Ибрахим Калин.
Во интервју за Ројтерс, Калин рече дека пред две недели во Киев лично разговарал за предлогот со украинскиот претседател Володимир Зеленски и дека ќе остане на маса, иако Москва не се согласува со тоа.
Според планот, луѓето евакуирани од фабриката ќе бидат транспортирани по копно до пристаништето Берџанск, кое исто како и Мариупол се наоѓа на Азовското Море, а турски брод ќе ги превезе преку Црното Море до Истанбул.
„ Ако тоа може да се направи на тој начин, со задоволство би го направиле тоа. Ние сме подготвени. Всушност, нашиот брод е подготвен да тргне и да пренесе повредени војници и други цивили во Турција“, рече Калин, кој е и советник за надворешна политика на Ердоган.
Украина и Русија се уште не ја коментираат оваа можност за евакуација.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс