Американска "Старт Ап" компанија има намера да ги подмладува старите луѓе со давање крв од млади и здрави доброволци, објави Метро.

Името на компанијата е "Амброзиа медицина". Компанијата ветува брз ефект кај богатите и стари клиенти. За да добие инфузија од 1 литар младешка крв, заинтересираниот ќе мора да плати 8.000 долари. Илјадници апликации се примени на веб-страницата на Амброзија.

Џеси Камамсин го основаше својот нов бизнис според претходна студија, спроведена од биотехнолошката калифорниска компанија Alkahest.

Во нејзините експерименти, крвта на 18-годишници била инјектирана во едногодишни глувци (што за глодари е еквивалентно на 50 човечки години).

Животните потоа станале значително поактивни и почнале да се однесуваат како млади. Исто така, значително се подобрила меморијата на животните.