Сервисни информации за граѓаните на Општина Бутел
- Детали
- Категорија: Бутел
- Создадено: 14 Февруари 2020
Општина Бутел постави нови натриум светилки во дворот, патеките во гробиштата и паркингот пред црквата во село Радишани, информираат од општината.
Нови табли и обрачи за кошарка се поставени во училишната спортска сала во училиштето Живко Брајковски. Набавени се и топки за кошарка, фудбал, ракомет и одбојка со цел да се подобрат условите за работа на часот по физичко и здравствено образование.
Но во истото училиште пред некој ден од страна на несовесни граѓани се случил обид за крадење на зимзелените новопосадени дрвца. За среќа од страна на вработен во училиштето сторителите биле спречени. Засадувањето дрвја е приоритет на училиштето како влог за чиста и здрава животна средина. Учениците заслужуваат да имаат убаво уредени зелени површини. Поради тоа, од општината апелираат до сите да ги чуваат дрвјата и другото зеленило во училишниот двор.
Во делот на енергетска ефикасност, по примерот на детската градинка во Бутел 2, заменети се прозорите и вратите со нова ПВЦ столарија и во детската градинка во Бутел 1.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс