Општина Бутел ги повикува жителите на општината да аплицираат на повикот за субвенции за клими
- Детали
- Категорија: Бутел
- Создадено: 24 Април 2021
Општина Бутел ги повикува жителите на својата општина да аплицираат на јавниот повик на Град Скопје за доделување субвенции за купување инвертер клима уреди.
Градот Скопје веќе го објави јавниот повик за доделување субвенции за купување инвертер клима уреди за 2021 година, а граѓаните ќе може да аплицираат онлајн.
На повикот може да аплицираат сите лица кои ги исполнуваат предвидените услови, односно оние што набавиле инвертер клима уреди почнувајќи од 01.01.2021 година и се жители на Град Скопје, а меѓу нив секако и жителите на Општина Бутел.
Повикот ќе биде отворен до 01.11.2021 година или до денот на исцрпување на средствата. На граѓаните ќе им бидат надоместени трошоците за набавка на инвертер клима уред, но не повеќе од 62.000 денари во нето износ. Апликациите се доставуваат на https://aplikacii.skopjelab.mk/inverteri.
Овие субвенции се дел од мерките што Град Скопје ги има предвидено во Планот за подобрување на квалитетот на воздухот и Акциониот план на Стратегијата за климатски промени на градот.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
