Општина Бутел објави повик за субвенции за велосипед или електричен тротинет
- Детали
- Категорија: Бутел
- Создадено: 13 Мај 2021
Општина Бутел објави повик за доделување субвенции на граѓаните, жители на општината за купување велосипед или електричен тротинет.
Општината, со цел да ги стимулира жителите за користење на велосипеди или електрични тротинети, а кои имаат купено нов велосипед или електричен тротинет, започнувајќи од 01.01.2021 година па се до исцрпување на буџетот наменет за Јавниот повик, но не подоцна од 30.09.2021 година, ќе им надомести дел од трошоците направени за купување на велосипед или електричен тротинет.
Средствата кои Општина Бутел ќе ги субвенционира се во износ до 50% од вредноста на купениот велосипед, но не повеќе од 4.000 денари по лице, со вклучен персонален данок на доход.
Јавниот повик ќе биде реализиран по принципот „прв дојден, прв услужен“.
Физичките лица кои во 2020 година го искористиле правото на субвенција за оваа намена од Општина Бутел, немаат право на учество на овој јавен повик.
Подетални информации за јавниот повик се објавени на веб страната https://opstinabutel.gov.mk
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс