1-ва Скопска - МТМ Телевизија

Претседателот на СДСМ, Димитар Ковачевски, заедно со секретарот за меѓународна соработка на СДСМ, Бојан Маричиќ, и прв вицепремиер во Владата на Република Северна Македонија се приклучи на акцијата на општинската администрација и градоначалникот на општина Центар, Горан Герасимовски, во акцијата за садење дрвја и збогатување на зелениот простор по повод Денот на пролетта.

Во изјавата за медиумите Ковачевски истакна дека со оваа активност Општина Центар претставува одличен пример за тоа на кој начин треба да се одржуваат и хигиената и зазеленувањето на општината и дека оваа акција дава пример оти средината, екологијата, е нешто за кое сите ние мора да се грижиме.

„За жал, градот Скопје во последните две години се наоѓа во една, би рекол, запуштена состојба. Практично, Скопје е како развластен град по победата на ВМРО-ДПМНЕ на локалните избори. Практично како и да немаме градоначалник, да нема Совет. Со тоа се потврди дека оние ветувања што беа дадени пред две години од страна на ДПМНЕ, од страна на нивниот претседател и раководството, дека ќе добиеме градоначалник што ќе го осовремени градот, беше едно лажно ветување чиј резултат на крајот сите го гледаме“, истакна Ковачевски.