„Центарска симфонија“ – музички спектакл на 21 јуни во срцето на Скопје
- Детали
- Категорија: Центар
- Создадено: 02 Јуни 2025
Општина Центар објави Јавен повик за финансиска поддршка на проектот „Центарска симфонија“ – мултимедијален концерт на филмска музика што ќе се одржи на 21 јуни 2025 година, по повод Светскиот ден на музиката.
„Планираме музички спектакл на кој публиката ќе има можност да се потсети на незаборавните македонски шлагери, како и на безвременските филмски мелодии од светската сцена. Овој музички настан ќе не поврзе, ќе не врати низ времето, и да ги разбуди најискрените емоции“, порача градоначалникот Горан Герасимовски
Учесниците на Јавниот повик треба да понудат едночасовна програма со оригинални аранжмани за композициите, изведена од еден машки и еден женски вокал (за соло и дует нумери), како и инструментални изведби на гудачки камерен оркестар, саксофон, флејта и бенд во формација: клавијатура, гитара, бас гитара, тапани и придружни вокали.
Сите заинтересирани здруженија, организации и правни субјекти од областа на културата, уметноста и маркетингот со седиште во Центар можат да аплицираат во рок од 5 дена од денот на објавување на повикот.
Вкупните средства за проектот „Центарска симфонија“ изнесуваат 450.000,00 денари.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
