Стефковски: Привршува изградбата на црквата на Смилковско езеро во помен на убиените деца
- Детали
- Категорија: Гази Баба
- Создадено: 16 Февруари 2024
Градоначалникот на општина Гази Баба, Бобан Стефковски, заедно со Поглаварот на Македонската Православна Црква – Охридска Архепископија, Господин Господин Стефан и градоначалникот на општина Бутел, Дарко Костовски ја посетија Црквата Св. 40 Маченици која се гради на Смилковското езеро.
За посетата, градоначалникот Стефковски информираше на својата официјална страна на фејсбук на која напиша:
„Утрово заедно со Поглаварот на Македонската Православна Црква – Охридска Архепископија Господин Господин Стефан и колегата Дарко Костовски ја посетивме Црквата Св. 40 Маченици на Смилковското езеро. Изминатиот период беа извршени активности за изработка на фреските и иконостасот на Црквата. Оваа Црква се гради на иницијатива на граѓаните, а во слава и сеќавање на Филип Славковски, Александар Наќевски, Цветанчо Ацковски, Кире Трпковски и Борче Стевковски кои беа свирепо убиени на 12 Април 2012 година на Велики Четврток“, рече градоначалникот.
Со изградбата, рече тој, никогаш нема да се заборави дека недолжни млади деца го загубија својот живот на тоа место.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
