1-ва Скопска - МТМ Телевизија

Во ООУ Кирил и Методиј во Стајковци денеска беа организирани низа активности по повод Меѓународниот ден на учителите.

Директорката на училиштето м-р Ана Петровска за 1-ва Скопска изјави дека овој ден одлучиле да го одбележат на посебен начин, од причина да научат нешто ново и да ги освежат знаењата за здравата ихрана и здравите навики.

Нутриционистката Цвета Динева смета, како ќе се хранат децата во секојдневието, многу зависи од домот, но исто многу зависи и од наставниот кадар, пред се во детските градинки, во основните и средните училишта па дури и во студенските денови. Правилната исхрана е од витално значење, за она кои сме ние, вели Динева. Таа смета дека на оваа тема треба да и се посвети поголемо внимание со цел да имаме здрави генерации.

Динева апелира вакви предавања да се одржуваат организирано и да се ангажираат компетентни луѓе, нутриционисти да ги држат предавањата, бидејќи само така ќе има резултати. Со внесувањето на здравата храна кај децата се зголемува и имунолошкиот систем а со тоа стануваат и поимуни на сите вируси и болести.

Покрај предавањето за здравата храна во училиштето се одржуваат и спортски активности, како и еколошка едукација кај децата од страна на наставничките.