1-ва Скопска - МТМ Телевизија

Министерката за труд и социјална политика, Јагода Шахпаска заедно со градоначалникот на Општина Ѓорче Петров, Александар Наумоски, денеска извршија увид во градежните активности на градинката „ Детелинка“, со цел нејзино проширување.

Шахпаска истакна дека со доградбата на дополнителни три занимални опфатот на деца во градинката „Детелинка“, се зголемува за 90. Воедно посочи дека ова говори за партнерскиот однос на централната и локалната власт.

„Како ресорно министрство продолжуваме со градење на нови градинки, со проширување на постоечките капацитети, со исполнување на крајната цел до 2024 година вкупниот број на деца сместени во детските градинки достигне 7.500,“истакна Шахпаска.

Таа доаде дека и Волково ќе добие најсовремена детска градинка, која ќе биде целосно енергетски ефикасна, со модерен систем на греење и капацитет од 175 деца поделени во осум занимални.